Donostiako udal gobernuak proposatutako Etxebizitza Turistikoen Ordenantzaren onarpena salatzeko kontzentrazioa antolatu duten auzo elkarte eta gizarte plataformen balorazioa.
Ezer baino lehen, hiru
alderdi hauek nabarmentzeko premia ikusten dugu:
- EZ DUTE ONARTU ORDENANTZARI JARRITAKO ALEGAZIO BAKAR BAT ERE.
- EZ DA EGIA ORDENANTZA HORREK AUKERA EMANGO DUENIK DONOSTIAKO ETXEBIZITZA TURISTIKOEN ARLOA BEHIN BETIKO ERREGULATZEKO, orain arte halako araurik ez balego bezala. Udalak dagoeneko finkatuta ditu egoitza eraikinetan hotel erabilera ezartzeari buruzko muga batzuk, HAPOaren bidez (Hiria Antolatzeko Plan Orokorra); “lehen solairuaren araua” izenez da ezaguna arau hori jendartean.
- HASIERAKO ONARPENA EMAN ZAION ORDENANTZA HORREK EZ DAKAR, BEREZ,
IKUSKATZAILEEN KOPURUA HANDITZEA kontrolerako, ezta
abiatutako espedienteak arintzeko langile administratibo gehiago izatea ere.
Are gehiago: ordenantzaren testuak ez dio horri buruz ezertxo ere.
Udalak onartu berri duen ordenantzak liberalizatu egiten du orain indarrean
dagoen HAPOa: izan ere, orain arte, bizitegi eraikinetako lehen solairuan
soilik baimentzen ziren jarduera ekonomikoak, hotel erabilerakoak eta gisa
horretakoak –ostatuak, esaterako–, kasu honetan.
Baina, horrez gainera, ordenantza berriak BAIMENDU egiten du hura indarrean sartzen denetik turismorako etxebizitzak ezarri ahal izatea hiriko gainerako auzoetako eraikinetan –eremu bete edo asetzat izendatutakoetan izan ezik, hau da, Kaian eta Hirigune Historikoan izan ezik–, altueraren arabera eta metro koadro kopuru jakin bateko azaleretan.
Baina, horrez gainera, ordenantza berriak BAIMENDU egiten du hura indarrean sartzen denetik turismorako etxebizitzak ezarri ahal izatea hiriko gainerako auzoetako eraikinetan –eremu bete edo asetzat izendatutakoetan izan ezik, hau da, Kaian eta Hirigune Historikoan izan ezik–, altueraren arabera eta metro koadro kopuru jakin bateko azaleretan.
Hirigune Historikora eta Kaira mugatzen du eremu asea, nahiz eta badiren
Zabaldiaren eta beste auzo batzuen –Erdialdea eta Gros, adibidez– asetasun
maila agerian uzten duten datu objektiboak.
Ez da aipatzen zer irizpide erabili dituen gobernu taldeak hiria A, B edo C
eremuetan banatzeko, eta erabateko ziurgabetasuna sortzen du horrek. Are
argiago erakusten du ordenantza honen sustatzaileek kontzentrazio hau antolatu
dugun plataformek ordezkatutako herritarren eskubideak bermatzeko zer interes
gutxi duten.
Baina gaur onartutako ordenantzak sustatzen duen hedapen “kontrolatu” hori
etxebizitza turistikoen negozioa Donostia osora hedatzeari lege estaldura
emateko tresna bat baino ez da –hala eskatu baitu, behin eta berriz, LEHIAREN
EUSKAL AGENTZIAK-, eta izugarrizko ondorioak izango ditu alokairuen
espekulazioa larriagotzeari, bizikidetasunaren kalitateari eta gure auzoen
gizarte kohesioari dagokienez.
Azken batean, gaur onartutako ordenantzak are gehiago okertzen du donostiar
askok etxebizitza duin eta eskuragarria lortzeko dute ezintasuna.
Herritarrentzat, zeharo sumingarria da Donostiako alokairuen batez besteko
prezioa 967 eurokoa izatea eta bizitegi erabilera iraunkorrerako gero eta
etxebizitza gutxiago izatea, egoera horren eraginez eta etxebizitza sozialen
parke publikoaren urritasunaren eraginez izugarri igotzen ari baita gure hirian
alokairua ez ordaintzeagatiko etxegabetzeen kopurua.
Azpimarratu nahi dugu ordenantza honek ez duela arautzen hotelen eta
ostatuen hedapena ere. Hori dela eta, luzamendu bat eskatzen dugu, hotel eta
ostatuen lizentzien izapideak eten daitezen eskatzen dugu, lege izapidean
eskatu genuen bezala.
Eta, azkenik, salatu nahi dugu ordenantza
honek ez duela ezartzen –horretarako hainbat alegazio egin diren arren– zehapen
araubiderik, auzokide komunitateen aurretiko adostasuna izateko baldintza,
jarduera lizentzietarako aldi baterako izaera eta jarduera honek gure auzoetan
dituen ondorioei aurre egiteko tasa.
ORDENANTZA HAU GIZARTE KONTSENTSURIK GABE SORTU DA, ETA GOBERNU TALDEAK AUKERA PAREGABEA GALDU DU ORDENANTZAREN BIDEZ ETXEBIZITZAK ETA AUZOAK BIZITZEKO IZAN DAITEZEN LEHENESTEKO, IRABAZIZKO NEGOZIO BIHUR DAITEZEN BULTZATU ORDEZ.
ORDENANTZA HAU GIZARTE KONTSENTSURIK GABE SORTU DA, ETA GOBERNU TALDEAK AUKERA PAREGABEA GALDU DU ORDENANTZAREN BIDEZ ETXEBIZITZAK ETA AUZOAK BIZITZEKO IZAN DAITEZEN LEHENESTEKO, IRABAZIZKO NEGOZIO BIHUR DAITEZEN BULTZATU ORDEZ.
No hay comentarios:
Publicar un comentario