Irudia: Irutxuloko Hitza |
#KaialdeAuzorako! Auzo Elkartearen eskaera Udalari eta Jaurlaritzari.
"El edificio Kaialde para el barrio" petición de la Asociación de Vecinos/as al Ayuntamiento y al Gobierno.
( Versión en castellano aquí: https://drive.google.com/open?id=1LHMDYkg_Ud6OFME2Emc5ogjZOyfmcYS9)(también puedes utilizar alguno de estos traductores automáticos: https://modela.eus/eu/itzultzailea , http://www.itzultzailea.euskadi.eus/traductor/portalExterno/url.do o https://translate.google.es/?hl=eu&tab=TT )
Jaun
eta andere agurgarriak:
Donostiako
Parte Zaharreko Parte Zaharrean Bizi
auzo elkarteak (12/1071 erregistro zenbakia eta G75064451 IFKa[1]) izan du Donostiako Ogasuneko eta Finantzetako
Zinegotziaren abenduaren 20ko ebazpenaren
berri, zeinaren bidez hasiera eman nahi zaion Orixe ikastolaren egoitza izan
zen eraikina[2]
‘berreskuratzeko’ espedienteari eta eskatzen zaien eraikinaren
erabiltzaileei utz dezatela edozein jarduera. Jakin izan dugu, halaber, ebazpen
horrek erantzuten diola Hezkuntza Sailburuak
egindako eskaera bati: eraikina berreskuratzeko tramiteak egin ditzan
udalak.
Aintzat hartuta gure auzoak dituen
ekipamenduaren beharrak (aurrerago azalduko ditugunak), eraikin publiko hori
urte luzez erabili gabe egon dela eta azken hilabeteotan eraikin horretan
auzotarron zenbait behar asetzeko jarduerak garatzen hasi direla, Donostiako Udaleko eta Eusko Jaurlaritzako
arduradunengana jotzen dugu honako hauek eskatzeko:
·
Orixe ikastolaren egoitza izan zen eraikin hori ‘berreskuratzeko’ espedientea eta ekimenak bertan behera utzi ditzazuela.
·
Eraikin horren erabilera-eskubidea[3],
auzoko eragileen esku laga dezazuen, bertan heziketa ez formala zein informaleko eta auzogintza
eta kulturgintzako jarduerak garatzen jarraitzeko.
Hauek
dira gure eskaeraren testuingurua eta arrazoiak:
·
Urteak daramatzagu auzoko pertsonak
eta eragileak eskatzen espazioak
heziketa ez formala zein informala, auzogintza eta kulturgintza jarduerak
garatu ahal izateko. Auzoan badira bai, kultur ekitaldi eta emanaldietan
parte hartzeko aukera ematen diguten aretoak. Ez ordea auzotarrek antolatu eta
garatutako heziketa ez formaleko, auzogintzako eta kulturgintzako jarduerak
garatzeko.
·
Auzo Elkarte bezala sortu
ginenetik hori izan da gure egitasmo
nagusietako bat: auzotarron elkarbizitza eta kohesioa sendotzen lagunduko duen
erreferentziazko espazio bat edukitzea, non garatuko ziren aipatutako
jarduera horiek. Behar hori gero eta nabarmenagoa egiten zaigu, auzoa pairatzen
ari den bilakaera[4]
eta auzo-bizitzaren narriatzea ikusita. Denboraldi labur batean eta
behin-behinean zenbait areto utzi zitzaizkigun Bretxako arraindegi eraikinean.
Horietan hainbat proiektu jarri genituen abian; haur txokoa, gaztelekua, kultur
jarduerak… Baina behin-behineko konponbidea zen, eta areto horiek utzi behar
izan genituen.
·
2014an itxaropena piztu zitzaigun: bazirudien
Hezkuntza Saila eta Donostiako Udala akordioa egitekotan zirela, eta akordio
horri esker Orixe ikastolaren egoitza
izandako eraikin hori udalak berreskuratu eta auzoko eragileen esku jarriko zuela
auzogintza, kulturgintza eta heziketa ez formaleko jarduerak garatu ahal
izateko. Auzo-etxea amesteari eta
definitzeari ekin genion auzoko eragile eta auzotar askok. Baina ametsa berehala zapuztu zen[5].
·
Behar publikoei erantzuteko izan behar zukeen eraikin publiko hori urte luzez[6]
egon da hutsik, eta bien bitartean, auzotarron behar eta eskaera ugari asegabe (besteak beste aurretik aipatutakoak).
·
Irailean zenbait auzotar eraikinean sartu, gelak txukundu eta
auzotarrontzako jarduerak antolatzen eta auzo-bizitzarako tokiak eskaintzen
hasi ziren. Bertan egin dira hitzaldiak eta bilerak, mintegia eta tailer
iraunkorrak[7]
antolatu dira, haur txikien gurasoek haur-gunea sortu dute… Ez hori bakarrik:
rokodromoa prestatu da, literatura lehiaketa egin, bertso eskola abian jartzen
ari da…
Gauzak
honela, ikusita auzotarron aipatu beharrak
asegabe daudela eta oraindik ez dela definitu eraikin horren erabilera publikorako proiektu zehatzik,
bidezkoa (bidezkoena) iruditzen zaigu
egindako eskaerak ontzat ematea; hau da, ‘berreskuratzeko’ prozesua etetea eta
eraikinaren erabilera-eskubidea auzoko eragileen esku uztea.
Gure
arrazoiak aintzat hartuko eta eskaera ontzat emango dituzuelakoan, jaso gure
agurrik adeitsuena.
Donostia,
2019-01-02
Parte
Zaharrean Bizi auzo elkartea
|
Nori
zuzendua:
·
Cristina Uriarte, Hezkuntza
Sailburua, Eusko Jaurlaritza
·
Jaime Dominguez-Macaya, Ogasun eta Finantzako Zinegotzi
Ordezkaria, Donostiako Udala
·
Eukene Muñoa, Ondare
Zerbitzuburua, Donostiako Udala
·
Eneko Goia, Alkatea,
Donostiako Udala.
Eskaera
egilea:
Parte
Zaharrean Bizi auzo elkartea
3043 posta-kutxa, 20800 Donostia
[1]
Helbide Postala: 3043 posta-kutxa, 20800 Donostia
[2]
Kanpandegi eta Fermin Kalbeton kaleetako kantoian dagoena.
[3]
Ikusirik ez dela definitu eraikin horren erabilera publikorako proiektu
zehatzik.
[4]
Biztanleria galtzea, etxebizitzak hotel, pentsio edo apartamentu turistiko
bihurtzea, espazioa publikoak jarduera komertzialetarako erabiltzea, eraikin
publikoak enpresa pribatuen esku uztea, betiko komertzio- eta taberna-eredua
desagertzea eta gainustiapen turistikora bideratutako komertzioak eta tabernak
irekitzea…
[5]
Garai hartan oposizioan ziren talde politikoek kontrako botoa eman baitzuen
Udal Batzan, argudiatuz eraikin hori behar zela
hezkuntzako zerbitzuak (Hastapeneko Lanbide Heziketa, Irale…) emateko. Behar
omen ziren hezkuntza zerbitzu horietaz ez da berriz ere hitz egin.
[6]
Zenbat: 12? Zuek jakingo duzue inor baino hobeto.
[7]
Filosofia-mintegia, Zirko, Joskintza, Xaboigintza eta Brikolaje tailerrak.
No hay comentarios:
Publicar un comentario