Datozen lerrotan pisu alokairuei, turismoa
eta gentrifikazioari buruzko (SUSTATU eta TecniTasan argitaratuak) hainbat
gogoeten berri ematen ditugu.
Alokairuen igoera eta Airbnb
Alokairuen
prezioa %17 igo ziren 2016an Donostian, Idealista
atariak urtero egin ohi duen azterketaren arabera (eguneraketa
erantzunetan: beste txosten bat argitaratu da gaur, igoera %22an
jartzen duena). 2015eko
artikulu honek aipatzen zuena bete dela dirudi: AirBNB
zerbitzuaren ugaritasunak gentrifikazioa ekar dezake. Mapa batean AirBNB-k
Donostian eskaintzen duena ikusirik, ez da harritzekoa.
Merkatuaren
prezioak baldintzatzeko adinako eskaintza egiten zaie turistei AirBNB-m? Airdna.co webguneak
Airbnb-tik eskaintzen diren etxebizitzen datuak erauzi eta udalerrika
sailkatuak ematen dizkigu. Donostian, adibidez, 1.400 espazio (pisu,
etxe, logela, ...) eskaintzen dira, eta goiko mapak erakusten du non.
Beste
hiri batzuetan antzeko eragina ote?
Bilbon 569 aurkituko
ditugu, Gasteizen 89, Baionan 440 edota Donibane
Lohizunen 430 (Iruñean ezin jakin, akatsa ematen baitu
webguneak).
Airbnb eta gentrifikazioa
Airbnb ideia aparta da. Logela bat edota pisua libre
daukan edonork alokairuan jarri ditzake, ia beti turistentzat eta egun gutxi
batzuetarako. Horrela, turistek hotelak baino toki merkeago edota aproposagoak
topatu ahal dituzte, eta etxe/logela jabeek diru-sarrera gehigarriak
lortu. Baina Airbnb hazten joan den heinean hainbat arazo sortu dira.
Batetik,
hotelek lehiakide gisa hartzen dute jada eta haren aurkako lobby lana egiten
dihardute, negozioa egiteko modu hau arautzea eskatuz gobernuei. Bestetik, zenbait ikerketak azaleratzen dute higiezinen agentziak
Airbnb erabiltzen hasi direla: turistei pisuak alokatuz diru gehiago lortzen
dute alokairu arruntekin baino. Horrela, hirian alokatzeko zeuden pisu kopurua
murriztu egiten da, eta berauen prezioa igo. Airbnb-ren AEBetako hiru hiriren
datuak aztertu dituzte hemen: San Frantziskon Airbnb-k lortzen dituen irabazien
%40a hainbat etxe eskaintzen dituzten erabiltzaileei esker da; Los Angelesen
irabazien %89a higiezinen agentzia bidez ei dator; eta New Yorken irabazien
%40a hiru etxebizitza, edo gehiago, eskaintzen dituzten erabiltzaileek sortzen
dute.
Eta,
noski, lobby bat edo bestearen presioen ostean, hainbat hiri Airbnb-ren
jarduera arautu nahian dabiltza. San Francisco da horietariko bat. Gaur
bertan hainbat gairen inguruko bozketa dago deitua, tartean "F
proposamena". F proposamen honek (hemen legearen kritika zorrotz bat irakur daiteke) hainbat muga
jartzen dizkio epe laburreko alokairuari, besteak veste:
- Epe motzeko alokairua mugatuta dago urtean 75 gautara.
- Etxebizitzaren jabeak hiruhilero alokairu-jardunaren berri eman behar dio administrazioari.
- Herritarrek auzokideak zelatatu eta salatu ditzakete.
- Kartzela zigorrak aurreikusten ditu legeak baita ere.
Proposamenaren
alde zein aurka lobby lan ugari egiten dihardute eta publikoak dira egindako diru-ekarpenak.
Airbnb-k zortzi milioi euro jarri ditu. Eta proposamenaren alde hotel-taldeak
azaldu dira.
Airbnb eta arautzea, fenomeno globala
Ez
pentsa fenomeno amerikarra soilik denik Airbnb eta arautzearena. Teknologiari
esker sortu diren negozio berriak arautzen ditugu Europan baita ere, ikusi
besterik ez dago Uber nola debekatu duten Frantzian edota Espainian.
Egia
da Airbnb-ek hotelei kalte egiten diela. Eta egia dam era berean, turistei gero
eta etxebizitza gehiago eskaintzean alokairu arrunterako gutxiago, eta
garestiagoak, geratzen direla. Diru gehiago irabazteko aukera honen hurrengo
pausua mobbing-a izan daiteke, Bartzelonari buruzko artikulu honetan jasotzen den moduan. Bertan,
alokairuan bizi zen jendea auzo merkeetatik bidaltzeko ahaleginetan dabiltza,
ondoren hotelak edota turistentzako alokairu pisuak egiteko. Auzoaren
eraberritze prozesu honetan prezioak asko igotzen dira, esklusiboagoak
bilakatzen dira. Gentrifikazioa bezala ezagutzen da gertaera hau, eta gurean
ere gertatzen dihardu, maiatzean Edu Lartzagunenek Berrian idatzi moduan.
TecniTasaren informazioa
El precio de la vivienda en alquiler repunta en casi
todas las comunidades autónomas, según TecniTasa EUROPA PRESS Publicado
17/01/2017 13:03:39CET Barcelona, Madrid y Pamplona se sitúan como las regiones
más caras MADRID, 17 Ene. (EUROPA PRESS) - El precio de la vivienda en alquiler
ha registrado un repunte generalizado en casi todas las comunidades autónomas,
según se desprende del informe anual de TecniTasa sobre los precios máximos y
mÃnimos del alqui ...Leer más: http://www.europapress.es/economia/construccion-y-vivienda-00342/noticia-precio-vivienda-alquiler-repunta-casi-todas-comunidades-autonomas-tecnitasa-20170117130339.html
No hay comentarios:
Publicar un comentario