Gaztelekua martxan da, probaldia egiten ari gara

Auzoko gaztetxoei aisialdi libreko gune bat (ordu libreetan goxo egon eta lagunekin elkartzeko toki bat) eskaintzeko asmoz lanean hasi gara: Gaztelekua martxan jarri dugu. Otsailaren 22ra arte probaldia egingo dugu. Gero, esperientzia baloratu, ondorioak atera eta aurrera jarraitzeko asmoz, noski.

Probaldian urtarrilaren 11 eta 25ean eta otsailaren 1, 8, 15 eta 22an irekiko dugu Gaztelekua (Abenduaren 14an eta 28an eta urtarrilaren 4an ere irekita egonda). 16:30etik 20:30era. 16:30etik 18:30era 11-13 urtekoentzako eta 18:30etik 20:30era 14-16 urtekoentzat.

Gaztetxoen eta haien gurasoen artean, auzolanean, eraikitzen ari gara Gaztelekua. Toki autogestionatua baita. Gaztelekuaren izaera definitzeko, erabilera-baldintzak eta arauak zehazteko hainbat bilera egin ditugu azaroan eta abenduan; gurasoek gure aldetik eta gaztetxoek haien aldetik. Bilera horietan zehaztutakoaren berri hemen ikus dezakezue 

Gaztelekuko bazkide izan nahi duten gazteek eta haien gurasoek 'ohiko erabiltzaileen fitxa' bete behar dute, eta auzo elkarteko bazkide izan behar dute. Bazkide ez direnek ere, bazkide batek gonbidatuta, badute Gaztelekua erabiltzeko aukera. 

Gaztelekuko bazkide izateko aukera irekia duzue. Animatu!

Informazio gehiago nahi izanez gero, hurbildu Gaztelekura (larunbat arratsaldez) edo mezu bat bidali partezaharreanbizi@gmail.comera.

Otsailaren erdialdean esperientzia baloratzeko eta aurrera jarraitzeko baldintzak zehazteko bilerak egongo ditgu. Parte hartu nahi baduzu mezu bat bidali partezaharreanbizi@gmail.comera

Bestalde, Haraino astialdi taldeak ere erabiltzen ditu Gaztelekuko lokalak. Bi Ostiralean behin. Bi talde elkartzen dira, Harainoko hezitzaileek gidatuta. Bat 11-12 urte inguruko gaztetxoena, 18:00etan. Bestea 14-15 uteko gazteena, 19:30ean. Informazio gehiago Haraino astialdi taldearen webgunean: http://haraino.wix.com/haraino

Parte Zaharreko Haur eta Gazteentzako Jarduerak eta Ekitaldiak: Urtarrila

Zuloaga enparantzan argi gehiago behar dugu

Neguan 5,30etan ilunabartzen da eta dagoeneko argiaren gabezia nabaria da Zuloaga enparantzan, jolas-gunearen argi artifiziala gutxiegi baita. Hori dela eta, Udalari tenporizadorearekin argi gehiago ipintzea eskatu diogu jolas-orduetan ilunantzean ez egoteko eta, jolas-orduak bukaturik, argi indarra alferrik ez gastatzeko.

Ezin da anbulantzia pasa!

Castellano

Toldoak gehitu direla edonork egiazta badezake ere (hirigintza-arauak Parte Zaharrean toldorik eta apalik eskegitea galarazten duenean) Udalak ez du ezertaz jabetu nahi.

Despistatuaren planta egiten du, zaintza, ikuskatze eta zigortzeko betebeharrak alde batera utziz. Ez hori bakarrik, Parte Zaharrean Bizik ez betetzeak idatziz salatu dituenean ez du erantzun edo etorkizuneko Ordenantzaren zain dagoela erantzun digu Udalak (apalak eta toldoak Parte Zaharrean eskegitea galarazten dituzten erizpideak etorkizuneko Ordenantza horrek ez dituela aldatuko jakinik).

Esterlines kalean, 3 establezimenduk toldoak (Boga-boga eta Intza), publizitate-arbel bat (Intza) eta bandera bat euskarrian (“tu casa está aburrida”) ipini dituzte eta hauek zabalduta daudenean Anbulatoriora ez dute anbulantzia iristen uzten. 2 aldiz, San Jeronimo kalera pazienteak hurbildu behar izan du anbulantzian sartu ahal izateko! Larrialdi-ibilgailuetako pasabidea ez da bermatzen eta hori, larria da oso. (ikusi salaketa)

Donostiako mapa erradioelektrikoa

 

Donostiako mapa erradioelektrikoari buruzko artezlan interesgarria aurkeztu zen asteartean, abenduak10, liburutegi zaharreko kriptan. Telefonia mugikorreko antenen igorpenak neurtu dituzte eta emaitzak plano batean marraztu dira. Europako Kontseiluaren Parlamentuko ebazpenak gomendatutakoa (zentimetro koadroko 0,1 mikrowatt) gainditzen dituzten neurketak gorriz margoturik agertzen ziren. Egoera kezkagarria da oso, Parte Zaharra eta Zentroa (eta Donostiako zonalde gehiago) kolore horretan ikusten baitziren. Azterlanaren arduradunak emandako datu bat aipatzearren: San Juan kalean egindako neurketa 3,9 mikrowat/zm²-koa izan zen, gomendatutakoari askogatik gaina hartuz.

Hurrengo urratsa, Udalak telekomunikazio-antenak erregulatuko dituen ordenantza berria, osasunerako arriskuak sahiestuko dituena prestatzea izan beharko da.

Artezlana argitaratu bezain laster helaraziko dizuegu. Momentuz, informazio zabalagoa irakur daiteke honako helbide honetan: http://gaur.donostia.org/udalak-lantalde-berri-bat-eratu-du-osasun-publikoaren-alorrean-prekauzioa-bermatuko-duen-antenen-ordenantza-berri-bat-egiteko/

 

El martes día 10 se presentó en la cripta de la antigua biblioteca un interesante estudio sobre el mapa radioeléctrico de Donostia. Se han medido las emisiones de antenas de telefonía móvil y los resultados se han trasladado a un plano. Aquéllos que sobrepasaron las recomendaciones europeas (0,1 microvatios por centímetro cuadrado) se pintaron en rojo. El resultado es preocupante ya que la Parte Vieja y Centro aparecían pintados en ese color. Por indicar uno de los datos que el encargado de eleborar el proyecto dió: en la calle San Juan la medición  realizada marcó 3,9 microvatios/cm², superando con mucho lo recomendado.

El paso siguiente es realizar una nueva ordenanza que regule dichas antenas y reduzca los riesgos para la salud.

En cuanto se publique el estudio os lo haremos llegar. Se puede leer una información más completa en el siguiente link: http://gaur.donostia.org/es/el-ayuntamiento-crea-un-grupo-de-trabajo-para-redactar-una-nueva-ordenanza-de-antenas-que-garantice-la-precaucion-en-salud-publica/

Parte Zaharreko AUZOKO egitasmorako jendea behar da

Bagerak (Donostiako Euskaltzaleen Elkarteak) bidalitako gonbitea duzue hau:

Parte Zaharreko AUZOKO egitasmorako jendea behar dugu

Kaixo lagun,

Mezu honen bidez, Auzoko egitasmoan zure parte hartzea eskatu nahi dizugu. Orain dela hiru urte AUZOKO egitasmoa Antiguan martxan jarri genuen Donostiako beste auzoetara zabaltzeko asmoarekin. AUZOKO egitasmoaren helburu nagusia, euskaratik urrun bizi direnen eta euskaraz bizi nahi dugunon arteko topaguneak sortzea da. Bertan modu ludiko batez euskara ez dakienak euskarara hurbiltzea nahi dugu eta lagunen arteko topagune horren bitartez euskarari beste bide bat zabaldu.

Hau horrela, iaz Intxaurrondon beste talde bat martxan jarri genuen, Plazara Goaz euskara elkartearekin batera, eta orain gure asmoa Parte Zaharrean martxan jartzea da. Horregatik zuzentzen gara zuregana, Parte Zaharreko topagune honetan parte hartzeko deia luzatu nahi dizugulako.

3-4 euskaldun lortu nahiko genituzke, astelehenetan 18:00etatik 20:00etara Elizaran ikastetxeko lokaletan (Santa Maria elizaren ondoan) biltzeko. Lagun gehiagok izena eman ezkero maiztasuna txikiagoa izango litzateke (hamabostean behin adibidez).

Informazio gehiago atxikita duzu eta nahi izanez gero gurekin harremanetan jar zaitezke ere 943467181 telefonoan.

Mila esker eta laster arte,

Zuriñe Gonzalez Agirre

BAGERA Elkartea

---

Informazio gehiago hemen

Gaztelekua irekitzra goaz: ohiko erabiltzaile izan nahi duten gaztetxoen bilera

Gaztelekua irekitzra goaz: ohiko erabiltzaile izan nahi duten gaztetxoekin bilera egingo dugu azaroaren 30ena (larunbata) eta haien gurasoekin abenduaren 9an (astelehena)

Gaztelekuko  erabiltzaile izan nahi duzu?

Etorri azaroaren 30eko bilerara 

Gaztelekuaren erabiltzaile izan nahi duten gaztetxoekin bilera bat egingo dugu:

·      azaroaren 30ean (larunbata), 17:30ean, Gaztelekua n.

Bilera Gaztelekuaren funtzionamenduaz, erabiltzaileen ardurez, eskubideez  eta betekizunez hitz egingo dugu.

Bileran parte hartzen duten gazteei Gaztelekua ren erabiltzaile izateko fitxa banatuko zaie.

Fitxa hori gurasoek bete eta sinatuta ekarri beharko dute abenduaren 9ko gurasoen bilerara (19:00etan)

Gaztelekuaren Batzordea