Donostia 1813

Bihar abuztuaren 31 dugu, datorren urtean 200 urte beteko dira hiri hartu eta erre zutenetik. Azken hilabeteotan gertaera horiek argitzeko hainbat ekimen izan dira. Hemen horietako batzuen berri:

"1813-08-31 Donostia sutan" Hitzaldiaren bideoa:

D. Kamino liburutegian Inaki Egañaren hitzaldia, Unai eta Beñat Gaztelumendi anaien bertsoekin lagunduta

Informazio iturriak:

* http://donostia2013.wordpress.com/ 

* http://donostia1813-2013.blogspot.com.es/ 

.

Terrazak, Udal Gobernuaren proposamena

Terrazei buruzko proposamena helarazi zion Auzo Elkarteak dal Gobernuari Ekainaren 15ean
Aste honetan jaso dugu udal gobernuaren erantzuna, hemen duzue:
Laburbilduz, idazkian hau diote:

• Ekainaren 28ko Udal Batzak terrazei buruzko Ordenantza berri bat egitea erabaki zuela
• Udal Gobernuak posizio ezberdinak hurbiltzea ahalbidetuko duen kontsentsua bilatzea hobesten duela
• Hori dela eta, Ordenantza berria prestatzeko Prozesu Partehartzailea abian jarriko dutela. Honla hiriko kolektibo guztiek beren proposamenak plazaratzeko aukera izango dute

Mahaiak, aulkiak eta sonbrilak kalean pilatuta larunbata eguerdian Udaletxearen parean

Udalaren erantzuna Mugikortasunari buruzko Auzo Batzarrean adierazitakoei

PRENTSA OHARRA

Donostiako Udal Gobernuak zera jakinarazi du publikoki, lehengo ekainaren 5ean Parte Zaharreko auzokoek burututako batzarrean egindako eskaera gehienak aintzat hartu dituela, hain zuzen ere.   

Parte Zaharrean Bizi auzo elkarteak gobernu taldearen ahalegina eskertu nahi du eta, era berean, udaleko beste alderdiei dei egin nahi die onartutako eskaera hauen alde egin dezaten.

Auzotarren eskaera hauek aurrera egiteko PP, PSE eta PNVren babesa ezinbestekoa da, beraien esku baitago  garrantzitsuenetako batek aurrera egitea:  Bulebarretik Abenidara arteko gunea bertako auzokoentzako aparkatzeko gune bilakatzea, alegia.

Bestalde, auzokook bertako autoen erregistro bat egitea eta baimenik eskatu gabe  etxeraino hilean hiruzpalau aldiz iritsi ahal izatea eskatu genuen. Erantzuna baiezkoa bada ere, ez da erabateko baiezkoa.

Udal Gobernuak autoen erregistroa egingo du eta hilean 4 aldiz atariraino sartzea baimenduko du, baina murriztutako ordutegi baten barruan bada, soilik. Gaueko 21:00etatik biharamuneko goizeko 7:30era, igandea eta osteguna bitarte eta 15 minutuz.

Andia kaleko norabide aldaketa ere onartu du, honela mendebaldeko kaleetako auzokoek (Mari, Kanpandegi…) aparkatu ezinik dabiltzanean, ez dute San Martineraino joan beharrik izango Salamanca Pasealekura itzultzeko.

Halaber, motorren aparkalekuak gune irekiagoetara eramateko eskaera onartzea ere positibotzat jotzen dugu. San Juan Kaleko aparkalekua, zehazki, Salamanca Pasealekua eta República Argentina delakora eramango dute.

Udal Gobernuak, era berean, hartutako erabakien jarraipena egiteko konpromisoa agertu du. Horretarako, udazken hasieran mugikortasun teknikariekin eta auzokoekin bilera egingo du eta lehen balorazioa eginda eta egoera aztertuta, dagozkion aldaketak egingo lituzke, beharrezkoak balira.

Parte Zaharrean Bizi auzo elkartearentzat auzokoen bizi baldintzak hobetzea etengabeko eta lehen mailako helburua da eta, jakina, gure auzoa benetako oinezko gunea izatea horietako bat da. Gure ustetan, neurri hauen jarraipena eta egin daitezkeen hobekuntzak udalbatza osoak eta auzokoek partekatu beharreko ahalegina izan behar dute.

Donostian, 2012ko uztailaren 4an

Terraza gehiago? EZ, Gainezka Gaude!!!

Parte Zaharrean Bizi Auzo Elkarteak terrazen auziari buruz duen iritzia helarazi die udaleko arduradun politikoei (Udal Gobernuari, zein oposizioko hiru alderdiei).

Egoera neurrira ekartzeko, ordena jartzeko, arauak betearazteko eta gehiegikeriei muga jartzeko eskatu die. Hori da, auzoaren bizi-kalitatea zaintzeko eta auzotarren segurtasuna bermatzeko neurriak hartzea.

Auzo Elkarteko lan talde batek gaia landu du eta egungo egoerari buruz txosten hau prestatu du, hemen duzue

·    Udalari aurkeztutako idazkia

·    Gehiegikeriak eta arau-hausteak biltzen dituen eranskina

·    gehiegikeriak eta arau-hausteak Konstituzio Plazan jasotzen dituen beste eranskin bat

·    Salatutakoa erakusten duten argazkiak:

Kanpainak prentsan izan duen oihartzuna hemen ikus dezakezue:

Hesiak, loreontziak, arbelak...

• Terrazen araudia betetzen dela bermatu nahi dute Parte Zaharrean (Hitza, 2012-06-27)
• Terrazas en la Parte Vieja de Donostia (Naiz.info, 2012-06-26)
• Vecinos de la Parte Vieja denuncian el incumplimiento de la normativa de terrazas (Noticias de Gipuzkoa 2012-06-27)
• Los vecinos de la Parte Vieja, molestos con los hosteleros por las terrazas  (Diario vasco 2012-06-27

• Parte Zaharrean, gaur egun… … 6.000 lagun Bizi gara, eta ·   2.200 terraza-plaza daude                640 Konstituzio Plazan ·   117 taberna eta jatetxe ·   18 elkarte gastronomiko

  Espazio publikoa denona da! denok erabiltzeko!

   

Udalaren erantzuna Auzotarren proposamenei

Auzotarrak Parte Zaharraren egoera aztertzen
Argazkia: donostia.org

Udazkenean (udalak bultzatutako Auzoak eta Herriak Donostia Indartzen ekimenaren barnean) bi batzar egin genituen Pate Zaharrean. Lehenengoan auzoaren egoeraren diagnosia egin eta hobetu beharreko alderdiak identifikatu genituen. Bigarrenean egoera hobetzeko proposamenak egin genituen. Diagnosia eta proposamenak jaso zituen Udal Gobernuak eta erantzutekotan geratu zen.

Bi saio horietan hitz egindakoa hemen duzue laburtuta

Erantzuna aurkezteko ekitaldia,
Argazkia: Irutxuloko Hitza

 Bada, Udal Gobernuaren erantzuna prest dago, ekainaren 16an aurkezteko ekitaldia egin zuten (hemen Irutxuloko Hitzaren kronika) eta parte hartu genuenok laster jasoko dugu dokumentua gure helbide elektronikoan.

Aztertutakoan horren berri emango dugu

Erantzunak:

Auzotarren diagnostikoa eta proposamena zein Udalaren erantzunak biltzen dituen aldizkari hau presatu du Udalak:

Periodico parte zaharra_eu

View more documents from partezaharreanbizi.

Erantzunekiko aldizkaria PDF formatuan euskaraz jaisteko klik egin hemen, gaztelerazkoa jaisteko hemen

Erantzunen erakusketa:

Auzo/Herria	Lekua	Ekainak 18-30
Parte Zaharra	Bretxa Azoka	Astelehenetik larunbatera: 8:00 – 21:00

Mugikortasunari buruzko Auzo Batzarraren akta

Auzo Batzarra deitzeko kartelak zintzilik jartzen

Ekainaren 5en Mugikortasunari buruz egin genuen Auzo Batzarraren akta hemen duzue: gazteleraz edo euskaraz

Mugikortasunari buruzko Auzo Batzarra, Ekainaren 5ean

Udalak Mugikortasunari buruzko araudi bat onartu du duela gutxi. Oposizioak araudi horren kontrako hainbat mozio aurkeztu dituzte
Auzotarrak egoera nahasian gabiltza, ez dugu informazio argirik. Dirudienen, hainbat arau martxan jarri dira, beste hainbat nonbait ez.

• Informazio argia eta zehatza, behar dugulako
• Araudi horri buruzko iritziak eta ekarpenak baditugulako

Auzo Batzar bat egingo dugu:

• Ekainaren 5ean, asteartea. 19:00etan
• San Telmo Museoan

Informazio gehiago, hemen:

Open publication - Free publishing - More auzo batzarra